کراچی: پولیس اور ڈاکوؤں کی مبینہ فائرنگ کے تبادلے میں سچل کے علاقے میں 2 سالہ بچہ جان گنوا بیٹھا۔
ایکسپریس نیوز کے مطابق کراچی کے علاقے میں گولی لگنے سے 2 سالہ بچہ جاں بحق ہوگیا، بچے کے والد نے بیان دیا ہے کہ ہم کھانا کھانے نکلے تو باہر فائرنگ ہورہی تھی اور اسی دوران ایک اندھی گولی میرے بچے کو لگی اور وہ ٹرپنے لگا، جب روڈ پر جا کر دیکھا تو موٹر سائیکل پر سوار پولیس اہلکار جارہے تھے، ہمیں نہیں معلوم واقعہ کیا ہے۔
پولیس حکام نے مؤقف پیش کیا ہے کہ بچے کو گولی لگنے کے واقعے کے بعد 4 اہلکاروں کو حراست میں لے لیا، تاہم یہ سچ ہے کہ پولیس اہلکاروں اور ڈاکؤں کے درمیاں فائرنگ چل رہی تھی، ڈاکو شہریوں سے لوٹ مار کر رہے تھے، فائرنگ کے واقعے میں ڈکیت فرار ہونے میں کامیاب ہوگئے، اور بعد میں پتہ چلا کہ بچے کو بھی گولی لگی ہے، ابھی یہ بتانا مشکل ہے کہ بچے کی ہلاکت کس کی گولی سے ہوئی۔
واقعے کی اطلاع ملتے ہی وزیراعلیٰ سندھ مراد علی شاہ اور آئی جی سندھ ڈاکٹر کلیم امام نے نوٹس لے لیا، آئی جی سندھ نے ڈی آئی جی ایسٹ سےرپورٹ طلب کرلی، اور کہا ہےکہ جامع انکوائری رپورٹ فی الفورپیش کریں۔
The post کراچی میں ایک اور 2 سالہ بچہ اندھی گولی کا نشانہ بن گیا appeared first on ایکسپریس اردو.
from ایکسپریس اردو http://bit.ly/2GpDc9s
via IFTTT