کراچی میں شہری پر تشدد کرنے والے ٹریفک پولیس اہلکاروں کو معطل کرکے ان کے خلاف محکمہ جاتی کارروائی کا حکم دے دیا گیا۔
اسٹیڈیم فلائی اوور کے نیچے شہریوں اور ٹریفک پولیس اہلکاروں کے درمیان ہاتھا پائی کی فوٹیج منظر عام پر آئی تھی جس میں شہریوں اور ٹریفک پولیس اہلکاروں میں ہاتھا پائی اور ایک دوسرے کو دھکے دیکھے جا سکتے ہیں جبکہ ٹریفک پولیس کے ایک اہلکار نے اپنا اسلحہ بھی نکال لیا اور شہری کو تھپڑ بھی مارے ، شہری کی جانب سے بھی ٹریفک پولیس کو مغلظات دی جاتی رہیں جبکہ ہاتھا پائی غلط گاڑی پارک کرنے پر ہوا تھا ۔
ویڈیو سامنے آنے کے بعد حکام نے واقعے کا نوٹس لیتے ہوئے شہری سے تلخ کلامی کرنے پر دونوں اہلکاروں کو معطل کردیا گیا ہے، ترجمان ٹریفک پولیس کا کہنا ہے کہ معطل اہلکاروں کے خلاف محکمہ جاتی کارروائی کا حکم بھی دیا گیا ہے۔
The post کراچی میں شہری پر تشدد کرنے والے 2 ٹریفک پولیس اہلکار معطل appeared first on ایکسپریس اردو.
from ایکسپریس اردو http://bit.ly/2XkPtld
via IFTTT